TAVULATA ‘I SAN GIUSEPPI
‘A tavulata ‘i San Giuseppi si fa ‘ntò jornu di festa ddo’
santu ‘u 19 marzu. Si invitavunu tri poviri cristiani timurati ‘i Diu e
precisamenti ‘n omu di ‘na certa etati, ‘na fimminedda e ‘n picciriddu di tri o
quattru annuzzi, ca rapprisintavunu San Giuseppi, Maria Vergini e ‘u bamminu
Gesù e i fanu vestiri secunnu i custumi di chisti.
‘A matina da festa si riunisciunu ‘ntà casa unni s’ha fari a
tavulata e tutti vanu a Chiesa accumpagnati da tanti cristiani. Dopu c’assistunu
‘e sacri funzioni tornunu ‘ntà casa unni parteru e ccà c’è tuttu ‘n ritu. ‘A
porta a trovunu chiusa, San Giuseppi tucculia cco0 vastuni tri voti e ddi ‘intra
ci rispunnunu “Cu jè?” - un poviru ‘i
passaggiu! – “Jtavinni a nautra banna, ccà nun è lucanna!” Allura San Giuseppi
si nni va ccu Maria e Gesù e, dopu aviri fattu quattru passi, torna arreri e
tucculìa nautra vota. Si ripeti ‘a
stissa situazioni ‘i prima e stavota Giuseppi s’alluntata scuraggiatu, ma ‘u
Bamminu Gesù ci dici: “Jamu ‘ntà ‘sta divutedda, ci dicemu ca semu Gesù,
Giuseppi e Maria e idda ni rapi… e San Giuseppi torna a tucculiari ppa terza
vota.
A dumanna “Cu jè?” ‘u Bamminu rispunni: Gesù, Giuseppi e
Maria! A stu puntu a porta si rapi e trasunu i personaggi assittannusi a tavula cunzata, biniditta da ‘n parrinu e
cumincianu a manciari. Finutu ‘u pranzu, Gesù, Giuseppi e Maria fanu ‘u giru
ddo’ paisi prima di turnari ognunu a so’ casa.
Nessun commento:
Posta un commento