martedì 27 febbraio 2018

CHIOVIRI Vigo

CHIOVIRI
Chiovi, ah ca chiovi,
la jatta fa li provi
lu surci si marita
ccu la coppula di sita;
la sita si vagna,
a la facci di tò nanna!
Tò nanna è malata,
a la facci 'i tò cugnata!
Tò cugnata è a la missa,
a la facci d' 'a batissa.
Vigo

lunedì 26 febbraio 2018

PETRA di A. Veneziano

La petra che dimostra li carati
di l'amicizia e di l'amuri anticu,
è a lu bisognu ed a l'avversitati;
ed ju pirchì lu provu vi lu dicu,
ddà si prova la fidi e la bontadi,
ddà di l'amici si fa lu lambicu;
carzari, malatij e nicissitati
scumbogghianu lu cori di l'amicu.
A. Veneziano

mercoledì 21 febbraio 2018

'NA VOTA - Armando Carruba

Quann'erumu picciriddi erumu già sciuti dda' scola, pirchì 'ntò '50 era raru che i fimmini travagghiavunu e, comu giustu, 'e scoli vasci scevumu 'e dudici. Jeva a G.I.L. - no signuruzza, quali fascista? a scola! Binidittu S Pasquali ! ca era in via G. Battista Perasso. Propiu 'e dudici niscevumu tutti in fila per due... ccu jeva a mangiari a rifizioni e ccu a jucari. A rifizioni c'eranu macari matri i famigghia ca pignata ppi putiri purtari u manciari ca ci davunu a casa... Nuautri jucavumu ca palla, a muccia a muccia, acchiappari etc... 'e dudici e menza ni sintevumu chiamari: Turiddu, Carmelu, Saru svinturatu amaru... e n'arricugghievumu a casa... Ma nta' 'stati i bagni o molu S Antoniu, i ranni vicinu 'e gru ittannusi ddo' pileri e nuatri nichi ntè scogghi ddo' lazzarettu a pigghiari ranciu pilusi, pateddi, vuccuna calannu na riti co' pisciteddu attacatu o mazzuna ammucciati ntè cammira d'aria de' bicicletti o mattuna cco' purtusu dde' muratura. Jurnati ca nun tornanu cchiù, a G.I.L. da cchiù di 50 anni nun è scola elementare e nuddu si fa u bagnu 'o molu San Antoniu ma ch'era beddu 'na vota! 

martedì 20 febbraio 2018

SCIARRA PPI 'SSIRI CAPITALI DDA' SICILIA


SCIARRA PPI ‘SSIRI CAPITALI DDA’ SICILIA
Stu cuntu ni cunta cosa successi quattru seculi fa in Sicilia. A ddu’ tempu a citati ‘i Missina, ppi ‘ssiri ‘a porta di st’isula era addivintata un centru unni ‘u accatta e vinni era impurtanti e pirchissu i missinisi eranu cunvinti  ca Missina puteva essiri a capitali dda’ Sicilia. Nun si sapi ccu’ pricisioni zoccu potti capitari, fattu sta ca alcuni nobili missinisi, decisero di passari all’azioni e, muti muti, mannarunu ambasciatori e messaggeri ‘o re di Spagna pirchì fussi pigghiata sta decisioni a favuri i Missina. Sta cosa, naturalmenti, aveva restari segreta, ma comu spissu capita ‘ntà sti casi, arristò il segreto d Pulicinedda, qualcunu sciusciò ‘na parola e i palermitani seppiru uno di tutto! Potemu immaginari quali fu ‘a reazioni dde’ palermitani ‘ntò séntiri ca i missinisi vulevunu fari chista infamità. Palermu, ai tempi dell’arabi era sede emiratu, appoi con i Normanni era addivintata casa do’ re; ccu Federicu II, addinvitò imperiali e ora con la richiesta missinisa, avissi dovutu perdiri d’essiri capitali del regnu di Sicilia e addivintari una semplici  pruvincia…  A cosa nun quadrava, era ‘na tagghiatina di facci, nun puteva passari liscia… Ppe’ strati ‘i Palermu  ‘a genti parrava chiddu ca s’aveva a fari, comu ‘o solitu qualcunu, cchè brigghi sciugghiute, pinzò di lavari l’offisa cco’ sancu, qualchi autru, inveci,  era ppi na vinnitta fina ca colpisse i missinesi nel propro intimu. Ppi furtuna passò ‘sta secunna ipotesi, macari pirchì ritenuta cchiù crudeli e spietata. E dopo qualchi jornu, na para di palermitani, ‘i notti, armti ‘i marteddu e scapeddu, jerunu a Missina ppi vinnicari l’offisa. Arrivati, jeru subitu versu unu dei monumenti cchiù impurtanti dda’ citati: ‘a statua di Nettunu, il dio ddò mari,  rappresentatu ca teni ‘ntà manu sinistra ‘u tridenti mentre ‘ntà destra, con i jirita stinnute, t’’mpara a strata ddo’ mari, signu ca rappresenta ca Missina è citati marinara! I palermitani c’avevunu priparati tutti cosi, misunu manu a marteddi e scappelli e, ccu cura, rumperu  ‘i jirita anulari, mediu e pollici dda’  statua. Si po’ immaginari l’indumani, quali fu a reazioni dde’ missinisi taliannu a statua ddo’ dio ddo’ mari, cche’ jirita dda’ manu ritta tagghiate, eccetto l’indice e il mignolo, lassati significatamenti a vista. Nun c’erunu dubbi, ‘u diu ddo’ mari, un pileri, rittu … faceva ‘i corna a ccu passava davanti! I missinisi ‘ntò taliari sta cosa ci vugghieva ‘u sancu e ‘n tempu nenti ficiru abbirsari ‘a statua ca turnò megghiu di prima… Ma l’offisa? Chidda nun si puteva abbirsari, era ‘nt’arma di tutti i missinisi comu un piccatu granni. I corna nun putevanu passari, si doveva fari qualchi cosa, si ci doveva dari ‘na risposta ai palermitani. E, fu accussì, ca di notti, proprio comu avevanu fattu i palermitani, na para di picciotti missinisi, macari iddi armati di marteddu e scapeddu, jeru a Palermu ccu l’intenzioni di vinnicari l’offisa ricevuta! In piazza Pretoria, a Palermo, c’è na gran bedda funtana decurata cu tante statue rappresentanti divinità, i palermitani ‘a chiamanu ‘a funtana dda’ vriogna, pirchì i statui su raffiurati nuri. Quannu i missinisi arrivaru a Palermu, mancu a dillu si nni jery a Piazza Pretoria, nisceru marteddi e scappeddi e rumperu tutti i naschi dde’ statui dda’ funtana e ssi nni jeru. Fiuramuci quannu i palermitani s’addunaru di stu fattu!!! Nun c’era mancu ‘na statua cco’ nasu!  Ppe’ strati di Palermu nun si parrava d’autru, a collira era auta auta e già tanti picciotti vulevanu jiri a Missina, ma ppi furtuna a cosa si risulvìu pacificamenti in quantu Missina nun addivintò a capitali da’ Sicilia, mentre Palermo fu capitali cche’ naschi dda’ funtana tutti rutti ppi tantu e tantu tempu (Difatti ‘a funtana fu abbirsata dopu tantu tempu).

Stretta ‘a fogghia larga a via diciti a vostra ca dissi la mia…

lunedì 19 febbraio 2018

SICILIANANDO Armando Carruba

               Cu' nun havi amuri ppi l'armali, nun havi amuri mancu pi li cristiani.

domenica 18 febbraio 2018

Buon pranzo



Buon pranzo a tutti ! Chi ci cala 'a maistra? pasta ca sassa? oppuru ppi jirisinni alla sbriciola un pollo accattatu cche' patatine e pani i casa croccante e cauru cauru 'sciutu ddo' furnu... Jurnata sempri friddulina da capu di matina! E all'ura di mangiari n'assittamu e ni taliamo la partita TORINO JUVENTUS... Oh bedda Madri la gran colira chi mi pigghiai arsira cu st'Inter ... una ni vinci e tri ci n'appizza, menu mali che i punti i ficimu in partenza manzinò... ma sti jucaturi su fatti i cartuni??? Comunque sia Inter di oggi nun assumigghia mancu un pizzuddu a chidda d'aieri... Buona domenica e metto una foto capitata per caso: Ju e me' figghia e alle spalle il magico paese delle robbe MILENA in prov. Caltanissetta 

giovedì 15 febbraio 2018

LU SCECCU E LU SCIUMI Venerando Gangi

LU SCECCU E LU SCIUMI

Passava un sciumi trubulu
un sceccu carricatu,
e stentu e gran fastiddiu
pruvava sfurtunatu.
Li pedi ca cci ncoddinu
ntra ddu fangusu lettu;
e la sciumara acchianacci
ppri fina nta lu pettu.
Per unni lamintannusi
stu miseru dicia:
Oh sciumi chi martiriu
ca fusti tu ppri mia!
Parra lu Sciumi all'asinu,
e dici: Oh, a ssi guai
si cci darrà rimeddiu,
non passa tantu assai.
Quannu dui misi scursiru
l'asinu ca si trova,
a lu passu medesimu
vitti na cosa nova:
Un bellu ponti autu
vitti, e ntra sè dicia:
Dunca sta granni fabbrica
tocca ammuntari a mia?
O Sciumi tu mi liberi
di un mali ccu autru mali.
A cui lu Sciumi: zittuti
o stupidu animali.
Menzu nun c'è; eligiti
lu fangu, o l'acchianari;
ca tutti dui l'incommodi
no, non li poi scansari.
Passu di sciumi trubulu
sta vita è affannata:
Suffriri è necessaiu
o l'acqua o l'acchianata.

Venerando Gangi

L'ASINO E IL FIUME - Passava un fiume torbido, l'asino caricato, e stento e gran fastidio provava, il disgraziato. I piedi gli s'incollavano sopra il fangoso letto e la fiumara arrivagli già fino in mezzo al petto. Per questo lamentandosi faceva la sua via: "O Fiume, che martirio dai alla vita mia!" Ma gli risponde il fiume e dice: "A questi guai presto rimedio avrai, non passa tempo assai". Due mesi poi trascorrono. L'asino si ritrova in quel passo medesimo e vede una cosa nuova: un ponte alto e largo e forte a tutta prova. "Dunque, montar mi tocca" disse fra sé e sé "quest'altra immensa rocca? O Fiume, tu mi liberi d'un mal con altro male". E a lui il Fiume: "Zitto o stupido animale! Altro non c'è: scegli, il fango o rampicare; ché tutti e due gli incomodi tu non li puoi scansare". Passo di fiume torbido è la vita affannata: soffrire è necessario o fango o rampicata.

venerdì 9 febbraio 2018

ISOLA DEI FAMOSI

Carissimi amici, è inutili d''n pilu ni fanu 'n travu sissignura. Di unni giri e furrìi trovi Eva...Eva... e Eva... Quali Eva? Non facisse l'intontoro ca lei a canusce cchiù megghiu ancora assai di mia, chi ci pareva quella d'Adamo e Eva e paradiso terrestre? Una fac simile! Eva Henger la nota attrice per adulti (accussì la definiscono per non dire attrice porno), che oramai nei reality c'è questa usanza, oggi a l'anno c'era Malena orgogliosissima d'essere attrice per adulti e cuntita idda cuntenti tutti, st'anno c'era Eva la bellissima Eva. Idda si aveva fattu u cuntu di fari 'na bedda isola, visibilità a tinchitè, sordi macari e contratti a mai finiri 'na vota finuta l'avventura. Vinni un tronista di misteri tronista, chiddi ca cumparunu 'nta Maria a mugghieri i Custanzu e ccu sta cumparsa campanu facennu cumparsati ... bella vita si durassi! Ppi falla brevi Francesco la nominò in nominescion (u sacciu comu si scrivi...) e idda arristo' comu a chiddu ca c'ha visti etc etc onde ppi cui ha dovuto abbandonare l'isola dei famosi che famosi non sono ma di cumparsa. A stu puntu, aspetta un mumentu ca tu cuntu, isò u itu da manu e disse ca Francesco aveva fumatu droga majurana e che se l'acchiapavunu unni si truvavunu arrestati tutti. Arristamu tutti alliccuti???!!! Ma quannu mai? Cioè pirchì nun ha parratu prima e non ca ti nna ghiri??? Fattu sta ca macari Francesco lassò l'isolo ppi fara la bedda cumparsa e difinnirisi dalle accuse dell'attrice per adulti. Ed è da quannu cuminciò sta storia ca nun passa un mumentu ca cu cunta ci junci sempri qualchi cosa. Ma Eva pirchì nun si faceva i aaazzz so'? Chi ci varagna? Ah chi cosa nun si fa ppi farisi vidiri in TV .... ! Senza jabbu e maravigghia

RADIO CHE PASSIONE ! Armando Carruba



RADIO CHE PASSIONE !
Eh l'emittente locale! Dopo la prima - Onde Radio - ci fu la seconda, bravo hai scoperto la carta vetrata! Sì ma quale fu la seconda emittente locale installata? Credo, con presunzione, che pochissimi, ma proprio contati sulle dita della mano a saperlo... fu... momento di suspense... SIRACUSA SOUND su 88.800 megaerziiii trasmetteva da viale Tisia il tecnico un dipendente Montedison dell'infermeria Michele e il dott. Spicuglia. Era un'emittente che non si sentiva per tutta la città, NOOOOO, arrivava sino 'o passaggiu a liveddu da via Catania, e lì i treni passavano e SIRACUSA SOUND si fermava; in seguito si trasferì in via Filisto fino a chiudere defnitivamente con la nascita e crescita di altre emittenti e la banda dei MEGAEZZI aumentò a tal punto che si arrivava ad ascoltare in una frequenza tre radio!!! SIRACUSA SOUND era fornita di buoni programmi, da quelli medici a consigli d'avvocato, alla poesia, teatro, jazz etc ... Poi tra le radio prepotentemente avanzò la radio delle radio... ma questo è argomento del post di domani Buon pranzo 

giovedì 1 febbraio 2018

SICILIANANDO Armando Carruba

Attaccami 'cca ca' c'è bon erva
Legami qui che c'è erba buona

Si usa dire ad una persona buona e sincera, accondiscendente che accetta di fare ciò che gli si dice. Il detto ha origini contadine, si riferisce agli animali che vengono legati (o meglio "curdiati") nel posto migliore di pastura