Palummedda, janca janca
tu, chi porti 'ntà 'sta lampa?
E ci porti pani e vinu
ppi fari a suppa a lu Bamminu
Lu Bamminu nun voli la suppa
ca ci sbampa la vuccuzza!
La vuccuzza china di meli,
viva, viva San Micheli.
San Micheli acchina 'n celu
ppi sunari li campani,
li campani ssu sunati
viva, viva la Trinitati!
La Trinitati è a lu cummentu
viva, viva lu Sagramentu!
Lu Sagramentu è alla Batia
viva, viva Santa Rusalia!
Rusalia 'ncapu li munti
ca cuntava li beddi cunti
Lu Dimoniu ci dicia:
- va, maritati, Rusalia!
- Sugnu bona maritata
cu Gesù sugnu spusata
e la robba nun è mia
è di Gesù e di Maria
- popolare -
Nessun commento:
Posta un commento