venerdì 11 agosto 2017

MATA E GRIFONE Armando Carruba

MATA E GRIFONE
A Missina 'ntà 'sti jorna viditi circulari ppe' strati 'sti ddu giganti a cavaddu, sunu Mata e Grifone.
Duviti sapiri a Missina viveva 'na bedda picciotta c'aveva abbrazzatu 'a Fidi Cristiana, figghia dò re Cosimu II da Castellucciu. 'U so' nomi Marta ca 'ntò nostru dialettu si dici Matta o Mata. Versu 'u 970 d.C. 'u giganti niuru Hassan Ibn-Hammar, sbarcò a Missina cca so' ciurma 'i pirati e 'ncuminciò a distruggiri 'nté terri unni passava. 'N jornu 'stu niuru alluzzò 'sta bedda picciotta e perdi i sintimenti, 'a dumanna ppi mugghieri ma havi ppi risposta 'na negativa. A 'stu puntu 'u pirata s''ncazzò e cuminciò a ammazzari e rubbari chiussai di prima. 'U patri e a matri di Mata, scantati di 'sta cosa, ammucciarunu a picciotta, ma 'u sdisonestu niuru riniscìu a pigghiarasilla cca spiranza 'i cunvincilla a maritallu. Mata, nun nni vuleva sapiri, truvannu 'ntà prijera 'a forza 'i suppurtari 'stu niuru accupusu.
Iddu ppi dimustrari 'u so' amuri si fa cristianu e Mata cunvinta su marita.
Ppi sapillu: A tradizioni voli ca foru iddi a fundari Missina e ogni anno all'avvicinarisi ddo' chinnici austu nesciunu ppe' strati i Missina...

Nessun commento: