giovedì 19 gennaio 2017

TRA SPIRITO E MATERIA di Carmelo Tuccitto

Alcuni versi tratti da TRA SPIRITO E MATERIA di Carmelo Tuccitto

'A vita mia è cannila minuta
'a vampa sempri cchiù la sposta 'u ventu
trimulia, pari ca nun havi abbentu
e anniculisci finu ca s'astuta

Signuri, un tempu ri Tia haju scappatu,
t'arrassavu ra sira finu a l'arba
ma lu to pinzeru a mia era 'ncuddatu!
E... mi battisti 'a manu supra 'a spadda.

Si 'i piccati su 'ri l'arma malatii
ju pozzu diri ca re gravi guarii?
'U Mericu miu ca nun è prufanu
vinni po' piccaturi e no po' sanu.

Dintra di mia cc'é 'na stanza 'o scuru
cci vivu ju sulu e si chiama cuscienza.
Cu ' mi l'addutò pò fari prisenza,
lu 'mmitu i mi porta luci e futuru.

Ppi tia é megghiu scinniri o acchianari?
Nun fari zzoccu m-prima ti cummeni,
ri sutta cc'é 'u mali e supira cc'è 'u bbeni,
virtù ti isa, 'u viziu ti fa affussari

Carmelo Tuccitto 

Nessun commento: