Vogghiu fari, nu beddu arvulu di Natali
nun à 'ssiri sulu beddu, ma tantu spiciali!
Ci azziccu luci di milli e cchiu' culura
ppi fari cuntenta ogni bedda criatura.
Ci mettu granni e macari nichi pallini,
nastrini, ghirlandi, cannili e mannarini
E 'na bedda stidda missa propriu 'n cima
ca fari lustru di jornu sira e matina.
E dda' sutta l'arvulu 'n saccu di riali
ddi dintra ci mettu cosi assai speciali!
'U jornu di Natali sarà 'na meravigghia
a rapilli tutti para ca ne' famigghia!
Armando Carruba (18.12.2016)
Nessun commento:
Posta un commento