SCIDDICA 'A PARANZA
Sciddica 'a paranza
ammuttata
cu lenti rintocchi di remi,
lu sulu 'rrologgiu
di 'n-tempu adduggittatu a la notti.
'N-cantu lamintusu
scinni 'na lu funnu,
vòo-vòo ppi l'ultimi pisci
senza sonnu.
Sciddica 'a paranza
'ntà lu scuru
ca cummogghia
pinzeri e cuscienzi.
A la chiarìa, stancu,
ppi lu pisu di panara vacanti,
ritorna lu rimaturi
bramusu di cunortu.
Nenti pisci stanotti.
Orazio Ronsisvalle
Nessun commento:
Posta un commento