Poesia letta, negli anni '80, sul Giornale di Sicilia
'A MUNNIZZA
A nuotti,
nna 'nsunnamu 'a munnizza;
viriemu
na gran machina infernali
tritalla tutta,
fina fina fina.
E puoi, cuntinitura
misi 'n fila ca pigghianu
la 'mpastanu 'nt'ò lampu
...ni fanu tanti, tanti panittuna,
ca misi 'nté carteddi comu pani,
dunanu 'n rialu a tutta a genti
Tritata
e puoi manciata
Picchì?
Lu rispirari 'u fetu
ca nni manna, nun è;
comu mancialla e digirilla?
Passanu anni,
ma 'sta munnizza nostra
nuddu la leva
nuddu la sminuzza.
ma la riali-vera-virità
sta 'ntà li strati dda' città.
Munnizza, sparsa, aisata
munnizza in quantità
ca n'accumpagna
'ntò mentri caminamu
e ni fa sentiri comu infilati
a forza 'ntà 'na stadda:
ca chistu addivintò Palermo nostra!
Concettina Mosca (PA)
N.B. - Naturalmente i versi si riferiscono agli anni '80 oggi e tutt'altra cosa...
Nessun commento:
Posta un commento