martedì 12 luglio 2016

SCOGGHIU di Armando Carruba



SCOGGHIU     

E 'u scogghiu si ciaccò
a Funtani Janchi...
e 'a natura chiancìu.
Anni e anni dda' supra
a ghittarini a chiovu
o macari a tummuni
ddà, supra l'arcu.
'U scogghiu si ciaccò
cancillannu 'na vita
di tuffi a mari...
Arristaru ddu' spuntuni
unu vicinu all'autru
a ciuciuliari
'a 'stati ca passa...
E 'u nomu c'appizzaru
"I DDU' SORU"
'i Funtani Janchi
accussì 'u sanu sentiri
'i scogghi novi...
e i picciotti si jettunu
a mari jornu dopu jornu
'ntò mari azzurru
'i funtani janchi.
Armando Carruba (4.6.2015)

LO SCOGLIO - E lo scoglio si ruppe/ a Fontane Bianche/ e la natura pianse./ Anni e anni lì sopra/ a tuffarci a chiodo/ o anche a tuffo di testa/ là sopra l'arco./ Lo scoglio si ruppe/ cancellando una vita/ di tuffi a mare/ Son rimasti due spuntoni/ uno vicino all'altro/ a chiacchierare/ l'estate che passa./ E un nome gli diedero/ LE DUE SORELLE/ di Fontane Bianche/ così sono conosciuti/ gli scogli nuovi/ e i ragazzi si buttano/ a mare giorno dopo giorno/ nel mare azzurro di fontane bianche.

Nessun commento: