JOCHI 'I 'NA VOTA - Armando Carruba -

'A SAMPUGNA.

I carusi pi si fari i sampugni pigghiàvanu i cimi ténniri di canni e tagghiàvanu pi traversu e pi longu 'a cannuzza; 'u tagghiu pi traversu era facili, ma chiddu pi longu era difficili, chi, si non era fattu drittu e pulitu, 'a sampugna non sunava. Ma mentri 'a facévanum ci dicévanu:

Sampugna, sampugnedda,
pi la santa 'luriedda
m'ha' a' sunari 'na canzunedda.

S'iddu tu 'n 'a vo' sunari
a pizzudda t'hàiu 'a struncari
e po' ti jettu a mari