sabato 10 dicembre 2016

OVU 'I JURNATA di Armando Carruba


'Na signura truvannusi 'n campagna,
sapennu ca propriu docu si sparagna
spiò a' za Sara ova 'i jurnata
ppi sucari e ppi fari 'na frittata

-"Chisti signura sunu ova spiciali
venunu 'i tutti i banni accattari."
Ma 'a signura ca era diffidenti
ci rispunnìu propriu 'n sull'istanti:

-" Cara za Sara, a mia cu l'assicura
ca st'ova su beddi frischi di jurnata?"
-"'U fattu ca di notti  i me' jaddini
dormunu insemi cu li puddicini!"

Armando Carruba (31.5.2016)




Nessun commento: