ca cci servi ppi scuparinu;
o pramenti a un manuvali
ca cci servi pp'allattari
Lassu i capiddi o varbirieddu
ssi nni fa nu beddu pinzieddu
Lassu a casa e lu tirrinu
(chistu si sa!) a nu parrinu
Li vuredda a li massari
ci servunu ppi cordi i carricari
Lassu a méusa a Don Papé Aprili
ssa bagna 'ntò sali e ci bivi!
U cularinu a li viddani
si lu cociunu cu li favi
Tutta a panza si la vò
ju la lasso a Don Ciaciò
Lassu i peri a Cicciu 'u Zoppu
ca camina sempri a croccu
Lassu u fichitu cu purmuni
a Turi u Niuru cicaluni
L'arrimina na patedda
e s'u vinni un sordu a fedda
Li cacati a li scarpari
ca cci sevunu pi 'ncirari
La curata sana sana
ju la lassu a la mammana
Chisti aggenti su 'nzignati
sempri scippunu curati
Lassu a testa cu i corna tisi
a tutti i Pasquali ddo' paisi
E criati ci lassu i buttuna
l'nfurraccinu e patruna;
o puramenti a Mastru Iacintu
si fa stasira u sucufintu
Lassu i denti all'esatturi
ca n'arrusica tutti l'uri
Lassu a lingua cu rraricuni
a qualchi avvucatu chiacchiaruni
Lassu all'ultimu u strumentu
e sbirri ca fanu u pignuramentu
Nessun commento:
Posta un commento