venerdì 6 novembre 2015

'I VARCHI A MARI Armando Carruba

Scinni 'u piscaturi
'a varca a mari
ppi nautra jurnata
china 'i sururi.
Accussì è la vita
comu navigari
'ntra mari
di gioii e duluri.
Pacenza ci voli
a lu piscari
e ccu pacenza
si tira a campari;
jttannu 'a riti
ogni matinu
e ringraziannu 'a sira
'u distinu...
comu 'u piscaturi
ca sempri accetta
chiddu ca 'a so' sorti potta.
Mudestu è lu me' campari
di piscaturi 'nta 'stu granni mari
priparu amu e jsca ogni matinu,
e comu voli Diu...
cummattu 'u distinu.
Armando Carruba

LE BARCHE A MARE - Scende il pescatore la barca a mare, per un'altra giornata piena di sudore. Così è la vita, come navigare in un mare di gioie e dolori. Pazienza ci vuole per pescare, e con pazienza si vive; gettando la rete ogni mattino e ringraziando la sera il destino... come il pescatore che sempre accetta, quello che la sua sorte gli da. Modesto è il mio vivere, di pescatore in questo grande mare, preparo amo ed esca ogni mattino e come Dio vuole... affronto il destino.

Nessun commento: