domenica 26 luglio 2015

A ME' MATRI di Gianni Farruggio

A ME MATRI
Tu mi criscisti, mi mannasti a scola...
e poi mi mittisti l‘ali e mi dicisti...vola.
E iù vulai 'ntra paisi strani,
senza pinzari ca ti lassai 'nte peni.
Partii,..ti lassai sula,
comu na varca senza vela,
a testa frasturnata...l‘occhi chini,
e senza sangu 'nta tutti li to vini!
Ti lassai sula... partii luntanu,
ma vidu ancòra ca mi stenni a manu,
mi salutavi e mi dicevi torna,
t‘aspettu cca, cuntu li me jorna.
Ora c'haiu furriatu menzu munnu,
e l'haiu vistu quasi 'nsinu 'nfunnu,
ora m'arriposu e pensu a tia,
ccu tantu amuri e tanta nustalgia.
E pensu quantu beni mi vulevi,
e quanti cosi beddi mi dicevi;
attentu, non sudari...s‘annunca t‘arrifriddi,
e duci duci mi mittevi i manu 'nte capiddi!
M‘accarizzavi, mi strincevi forti...
siparari ni po' sulu la morti!
La morti 'npitiusa t‘arrubbau,
e luntanu...luntanu di mia ti purtau!
Si fici tardu, passànu li me anni,
tra gioi, duluri e sacrifici ranni!
Stancu é u me cori, stanca é la testa,
ma prestu n‘incuntramu e sarà festa!

Gianni Farruggio

1 commento:

DJNANDO ha detto...

Stupenda poesia.

il commento e' da parte di un Italo-Americano che abita alle Cascate de NIagara. Anche se Calabrese, capisco benissimo quello che e' scritto in dialetto Siciliano. Se non ti dispiace
questa poesia la leggero' in Radio alla prossima opportunita', ovviamente menzionando il Tuo nome di autore.

Ferdinando Cimato