sabato 21 marzo 2015

Versi di Francesco Guglielmino

Pri chistu leggiu sempri la Centona
unn'è la vita di la me' citati,
tutta la vita : la tinta e la bona,
chidda di li vaneddi e di li strati.
'Ntra ssu tò libbru nudda vuci stona,
tocchi tutti li tasti, e su' accurdati :
c'è la tempesta e scrùsciunu li trona,
c'è lu suspisu di l'innamurati.
E lu leggi ccu mia la gintaredda
ca ti cumprenni, e 'ntra li sò strapunti
fa ppi meritu tò 'na risatedda ;
e lu liggèru e n'àppiru cunforti
li surdateddi purtati a lu frunti
forsi prima di curriri a la morti......
Francesco Guglielmino
da : Ciuri di strata

Nessun commento: