mercoledì 3 dicembre 2014

L'UNNA di Giuseppe Amenta

                                             Giuseppe Amenta


L'UNNA
T'aspettu unna...
venimi a pigghiarimi...
portimi luntanu.
Sugnu cca' ca t'aspettu,
ca talìu l'orizzunti
ti cercu fra milli unni.
Tu unna strana
ca distruggi,
c'arricogghi dda' riva tutti i granuzzi...
veni a pigghiarimi e fammi canusciri 'u to' misteru.
Carrìami ccu tia 'nte mari luntani
dunani 'a possibilità di talìari 'i to' funnali
canusciri com'è 'u to' munnu.
Appoi, cca' bassa marea dda' matina
mi porti a riva, pirchì ju
pozzu cuntari ddi tia.

L'ONDA - T'aspetto onda/venimi a prendere/portami lontano/Sono qua che aspetto/che guardo l'orizzonte/ti cerco tra mille onde/ tu onda anomala/che distruggi/che raccogli da riva tutti i granelli/vieni a prendimi e fammi conoscere il tuo mistero/ Portami con te nei mari lontani/dammi la possibilità di guardare nei tuoi abissi/ conoscere com'è il tuo mondo./ Poi, con la bassa marea della mattina/riportami a riva...perchè io/possa raccontare di te.

Nessun commento: