sabato 1 novembre 2014

'NA FAMIGGHIA di Fausta Lo Presti

'NA FAMIGGHIA

Urticieddu
lauratu
siminatu
zappatu
ccu tinirizza
ccu amuri
ccu sururi
'n jardinu
addivintatu
Ciuri e frutti
m'ha ratu
e a ma vita
'nu significatu.
A 'mpruvvisa
arrivau lu vientu
appoi a jlata
'na cura-draunàra
vinni tuttu
a divastari
ddi tìa nenti
avìa lassàri.
Urticieddu
distruggiutu
i to' rami
sunu stuccati
a terra rivutata
ccu li razza
abbannunati
ti talìu
scunsulata.

Fausta Lo Presti

Ricordando l'amica poetessa attrice Faustina...

Nessun commento: