giovedì 6 novembre 2014

CORI ALLEGRU di Ester Avanzi (foto)


CORI ALLEGRU
Bona jurnata
suli!
ca mi talii
di matinu prestu
'nzinu quannu scura,
e duni lustru
a li mé jorna novi,
ca currunu,
comu acqua 'i ciumi
e nun tornanu cchiù.
Bona jurnata
a tia amuri miu!
c'accarizzi 'i me' sonni
'i carusa
rinnennu duci
na jurnata amara
assicutata
ccu alligrizza di cori.
Bona jurnata
genti ddo' munnu!
vulissi jorna
cco' suli 'nto' cori
e na vita ca riri
'nta tutti li casi.
Bona jurnata a tutti !
Ester Avanzi

Nessun commento: