TERRA MIA di Federico Vaccaro

‘ TERRA MIA

Ca la Sicilia è terra d’amuri

è verità ca sapi tuttu ‘u munnu,

lu suli nostru duna lu culuri

a ogni fruttu e fa ‘u furmentu biunnu.

Ci su biddizzi tanti e di valuri

ca  già sulu a pinsalli mi cunfunnu,

sulu ‘u travagghiu è scarsu e pi suduri

nun si po’ diri ca ci nn’è in abbunnu.

Siccomu semu omini d’onuri

nun  putemu parrari a tuttu tunnu,

ma sulu ‘nta  l’oricchi o’ cunfissuri.

Di cu è la curpa si finemu o’ funnu?

di li mafiosi…? ‘i quarchi senaturi…?

Scusatimi, ma a chistu nun rispunnu!

Federico VACCARO