mercoledì 26 settembre 2012

'A STRATA - Orsolina Pace Mazzarese



`A STRATA

Manu manuzza, comu picciriddi
vanu currennu ppi li strati, strati,
sbulazzannu a li venti, li capiddi;
ridunu l`occhi! Ssu` ddu `nnamurati!
Manu manuzza ccu` ddu` picciriddi
che satariannu ad ogni passu vannu,
hanu l`occhi lucenti comu stiddi:
spusi filici... e forsi nun lu sannu...
Manu manuzza, comu picciriddi,
vannu ddu` vecchi, lu passu `ntrimannu,
l`occhi appannati, janchi li capiddi,
li cori `nnamurati ... comu tannu!

Orsolina Pace Mazzarese

Nessun commento: